Dentro do programa “Ler conta moito”, de dinamización da lectura co que desde a Xunta se ofrece ás bibliotecas públicas da Rede actividades de distintas categorías coas que achegar á cidadanía á lectura e á información dunha maneira lúdica e atraínte, na Pobra de Trives organízanse 5 actividades para o fomento da lectura. A primeira delas comezou o pasado sábado 17 de agosto e extenderánse ata finais de outubro.
Este venres 23 de agosto, ás 11:30h. da mañá chega á Biblioteca Municipal da Pobra de Trives, a segunda das actividades organizadas dentro deste programa, desta volta é unha mostra do MUSEO CIENTÍFICO con máis de 20 obxetos co lema “PROHIBIDO NON TOCAR”.
Unha das mellores formas de espertar a curiosidade e aprender é mergullándose na lectura e tamén experimentando. Esta actividade achega aos participantes numerosos obxectos e inventos do ámbito tecnolóxico e científico, os cales son explicados de maneira sinxela, clara e amena por profesionais do sector.
Arredor de 90 minutos de actividade de divulgación de maneira amena e creativa do coñecemento orientada a nenos e nenas desde os 7 anos en adiante coa finalidade de aprender xogando coa ciencia!