A función teatral "Mariana" chega a Trives da man da actriz Lucía Álvarez, veciña de San Xoán de Río

  • imprimir

 

 

A actriz Lucía Álvarez, natural de Mouruás (San Xoán de Río), chega ao Auditorio Julio Vázquez con “Mariana”. Un monólogo dunha hora aproximadamente onde Lucía se tivo que meter no papel de Mariana Pineda, unha muller que morreu no 1831. Pineda foi executada durante a restauración de Felipe VII a causa da súa ideoloxía política.

Mariana convertiuse nun símbolo para todas as mulleres, unha icona da loita liberal, aínda que para iso tivo que pasar moito tempo.
Lucía Álvarez, na súa última obra teatral, sumerxiuse no duro papel de Mariana Pineda e conta a historia dunha gran muller. A historia que vive no esquecemento, a marxinación e o ocultamiento da súa condición. Unha voz inmersa no tempo, un corpo mantido na opacidade. Unha soa muller que fala para desgarrar os oídos que non a escoitan, dos homes que a esqueceron, para abrazar aos corazóns que desexan cambiar a ignominia e o alleamento humanas.
En palabras do director da obra, David Ojeda: "Dá Escena e muller: retrato dunha morte anunciada. Mariana bríndanos a posibilidade de contar a historia dunha gran muller."
Lucía Álvarez, participou en varios papeis teatrais, tamén no cinema en “Dioses y perros” e en series de televisión como “O sabor das margaridas” da TVG, “Vivir sin permiso” de Telecinco, ou “Cuéntame como pasó” na TVE, entre outras.
Non vos perdades unha función teatral na que descubrir da man da nosa veciña a historia dunha muller revolucionaria na vida e na ficción, e que desde Lorca aparécesenos como retrato en berro no texto de José Ramón Fernández: unha inmensa loitadora que deixou o ansia de liberdade escrita no bordado dunha bandeira.
As representacións serán o 18 e 19 de agosto no Auditorio Julio Vázquez ás 20:30h. As entradas teñen un prezo único de 10 € e están á venda na Oficina de Turismo, Librería Estampero e Librería Mi Libro, tamén se poderán mercar en taquilla no Auditorio desde unha hora antes do evento. O aforo é limitado.