Durante esta tempada estival, maioritariamente nos meses de xullo e agosto, un amplo abano de actividades están programadas desde os distintos servizos do Concello da Pobra de Trives e as distintas asociacións da vila para facer un verán entretido, divertido e para todos os públicos, onde cultura, ocio e deporte se misturan ao longo destes máis de dous meses, creando un calendario completo de alternativas desde xullo que se extenden ata finais de Setembro.

Exposicións, Festa da Bica, Concerto piano de Fabio Álvarez, Monólogo-Comedia de Isabel Risco, Cine, Rutas de sendeirismo, Rutas teatralizadas, Deporte, Lectura, Turismo, Concertos, Día da Bici, Festas Patronais, Divertrives, Piscinas, Torneos de Fútbol….e moitas actividades máis nos agardan este verán en Trives. Trátase dunha serie de actividades para todos os públicos pensadas para o disfrute da veciñanza, e de toda a cidadanía que se achegue a visitarnos e a compartir o verán trivés.

Desde o Concello da Pobra de Trives convidámosvos a todos e todas a que veñades a pasar o verán con nós, que non volo conten...vide a vivilo dende dentro!

Programa de Verán - A Pobra de Trives 2019