Este ano o Concello da Pobra de Trives súmase á campaña internacional QUERE O TEU MERCADO.

Nesta campaña preténdese ensinar que os mercados municipais xogan un valioso papel dinamizador e revitalizador dos centros urbanos onde se asentan, facilitando tamén a compra de alimentos frescos de calidade con toda a comodidade, sen necesidade de grandes desprazamentos e con atención personalizada.

Dende hai cinco anos a Xunta de Galicia, a través da Dirección Xeral de Comercio e Consumo, celebra a campaña “Quere o teu mercado”, co obxetivo de apoiar, promocionar e visibilizar o papel dos mercados nas cidades, potenciando así a compra do produto local ao mostrar a profesionalidade dos praceiros e praceiras.

Celébrase na última fin de semana de maio, pero nós festexarémolo o venres, 24 de maio, ensinándolle aos máis pequenos o funcionamento da praza de abastos de Trives, e tendo contacto directo coas praceiras contándolle como é o seu traballo e a importancia de manter vivos os mercados!!!

Alumnos do CEIP Manuel Bermúdez Couso coñeceran a praza de abastos desde preto e ademais haberá agasallos para os que merquen na praza este venres 24 de maio (ata fin de existencias)