Guateque anos 60, 70 e 80

  25.8.17guateque

Dentro do programa de verán organizado polo Concello de A Pobra de Trives, a Praza do Pilón convertirase nun divertido Guateque o vindeiro 25 de agosto a partires das 22h.

Música dos 60, 70 e 80 soarán nesa noite de venres facendo un animado ambiente no que todos movan o esqueleto.

Anímate a acudir vestido de “ye-ye” e desfrutar recordando aqueles anos de guateque.

Share

VI Andaina e III Cross - A Pobra de Trives 2017

 

   ANDAINA2017

 

O vindeiro domingo, 10 de Setembro, o Concello de A Pobra de Trives organiza unha nova edición da Andaina e Proba de Cross.

Unha xornada dominical para desfrutar de fermosas paisaxes, rutas novas e inmellorables vistas panorámicas conxugadas coa práctica de hábitos saudables coma o sendeirismo ou o cross. Tanto deportistas como afeccionados poderán descubrir máxicos recunchos do noso Concello.

As dúas probas,  Andaina e Cross terán a saída é dende a Finca da Barreira ás 9 da mañá. A andaina será duns 15 km aproximadamente, mentres que na proba de Cross Terán que percorrer unha distancia de arredor de 10 km.

As inscricións fanse na Oficina de Turismo de A Pobra de Trives. O prazo remata o mércores 6 de setembro.

O roteiro ten un prezo de 10€ e inclúe a camiseta, avituallamentos e a comida. Tamén haberá sorteo de regalos.

Para máis información poden dirixirse á Oficina de Turismo de A Pobra de Trives (988 33 09 67)

Share

O coidado dos nosos maiores. Aprende a coidarte


 

O vindeiro 23 de agosto,  martes, ás 11 da mañá, na sala de reunións do edificio novo do Concello temos un Obradoiro para poder axudar á mellora da saúde dos nosos maiores e de quen os rodea.

Un obradoiro en colaboración entre Cruz Vermella e o Concello de A Pobra de Trives no que aos asistentes se lles tomará a tensión, glucosa, e se lles ensinarán algunhas pautas para mellorar os coidados nas persoas maiores no entorno rural.

Esta dirixido principalmete a persoas maiores, pero é aberto a todo tipo de público para ter unha boa información e aprender a cuidarse.

Para máis información podes dirixirte ao teléfono 988 33 08 00.

Share

Fotografía na Natureza

 

 

 

O xoves, 17 de agosto, de 11h. a 13h. terá lugar outra nova xornada de fotografía organizada polo servizo de turismo. Unha clase práctica guiada sobre como realizar fotografía na natureza, ao aire libre.

Este Obradoiro de "Fotografía na Natureza" será dirixido polo fotógrafo D. Carlos Temes Caneda.

Para anotarse a dita clase ou para máis información sobre a mesma:

Oficina de Turismo de A Pobra de Trives

(988 33 09 67)

Share

Curso de Defensa Personal

 

 17 e 18.8.17   Curso de Defensa Personal

 

No Concello de A Pobra de Trives impartirase novamente un Curso de Defensa Personal os días 17 e 18 de agosto, de 10 da mañá á 13:30h do mediodía.

Un donativo de 3 kg de productos de primeira necesidade é o que cada participante debe achegar ao comezo do mesmo.

Para máis información e para incribirse no mesmo podes facelo no Concello ou n o seguinte número de teléfono: 670471520

Share

O Concello de A Pobra de Trives Informa sobre os horarios de autobuses entre A Pobra de Trives e Ourense

Concello de Trives INFORMA:
O servizo de autobús entre A Pobra de Trives e Ourense ten os seguintes horarios:
6:30h Manzaneda- Ourense 
14:45h Ourense -Manzaneda 
17h Manzaneda- Ourense 
18:30h Ourense - Manzaneda

Share