"Olimpiadas" para pais e nais dos cativos de Atletismo

 

 

    Na tarde do mércores 21 de xuño, os rapaces de atletismo das Escolas Deportivas do Concello de A Pobra de Trives, xogaron xunto con pais e nais no Campo de Fútbol de O Agro facendo distintas probas como lanzamento de xabalina, lanzamento de peso ou salto de lonxitude entre outras. Unhas pequenas "olimpiadas" que fixeron participar a todos.

 

    As risas estiveron presentes en todo momento e a unión e convivencia entre todos foi o mellor xeito de iniciar os festexos de fin de curso de atletismo nas Escolas Deportivas do Concello.

 

Share

Apertura das Piscinas Municipais - Verán 2017

 

 

    As Piscinas Municipais xa casi están listas para a súa apertura.

 

    O vindeiro 24 de xuño, sábado, abren as súas portas para a tempada 2017, no seguinte horario: de luns a domingo, de 12 da mañá a 8 da tarde.

    Para a retirada dos abonos deberán presentar nas Oficinas Municipais unha fotocopia do D.N.I. de cada membro que o solicite.

 

     Para a entrada ao recinto da piscina deberán identificarse co DNI ao exhibir o abono.

 

 

 

Share

Certame Fin de Curso da Escola Municipal de Música

 

    

    Este venres, 23 de xuño, os alumnos da Escola Municipal de Música, tanto de piano como de guitarra, festexan o fin de curso 2016-2017 coa súa audición ás 19:30h. no Auditorio Julio Vázquez.

Share

"Domingos de Praia"

 domingosdepraia
 

    Este verán ponse en marcha o programa “Domingos de Praia”, unha actividade que se promove dende o Concello de A Pobra de Trives co fin de facilitarlle a todos os veciños que podan pasar un día na Praia sen necesidade de ir no seu coche.

 

    O primeiro domingo será o vindeiro 25 de xuño e o destino é Baiona. Cada persoa que queira disfrutar desta xornada de Praia pagará 12€.

 

    A saída Trives – Baiona será ás 8 da mañá diante do Concello e o regreso ás 19h dende a praia hacia Trives.

 

    Para anotarse deben dirixirse á Oficina de Turismo (988 33 09 67).
Share

Trives entre os 5 concellos con maior taxa de doazóns de sangue en Galicia

Esta mañá nun acto celebrado en Santiago de Compostela , o alcalde de A Pobra de Trives, Francisco José Fernández Blanco, recolleu o recoñecemento da Axencia de Doazóns de Órganos e Sangue (ados) ao Concello de A Pobra de Trives, por estar entre os cinco concellos máis solidarios de Galicia en número de doazóns de sangue.

A Organización Mundial da Saúde recomenda unhas 40 doazóns por cada 1000 habitantes no ano; Galicia conta con 41 doazóns por cada 1000 habitantes ao ano. A Pobra de Trives supera estas cifras acadando 61 doazóns por cada 1000 habitantes por ano.

IMG 20170614 WA0002 
 “...parabens a toda a veciñanza de Trives por este galardón...por ser un dos concellos galegos con maior taxa de doazóns por cada mil habitantes...”; Francisco José deu as súas felicitacións á veciñanza de Trives por ese recoñecemento recibido no Día Mundial do Doador de Sangue.  IMG 20170614 WA0003
Share

O Concello de A Pobra de Trives integrado nas Oficinas Redes 060

    O 8 de xuño do 2017 publícanse no DOGA as entidades locais adheridas ao convenio Marco entre Administración Xeral do Estado e a Xunta de Galicia para a implantación dunha rede de oficinas integradas do cidadán no ámbito territorial de Galicia.
 
    Dende este momento o Concello de A Pobra de Trives queda adherido a ese convenio e pódese rexistrar no mesmo calqueira documento que vaia destinado a administración central do Estado. A todos os efectos legais daráselle entrada na Oficina destinada para elo no Concello.
Share